своими руками
seo
PDF Print E-mail

 

2018 ngu ai madu a nhtoi shaning gaw jinghpaw Wunpawng Chyum Dakkasu (86) ning ladu hkrum ai shaning ahkying aten rai nga ai. 1932 ning hta hpaw hpang sa wa ai ndai Chyum Dakkasu gaw Kachin Wunpawng myu sha ni Karai Kasang a mungga nhtoi hta rawt jat galu kaba wa ai labau hpe a dan a leng madun dan nga ai. Amyu sha ni hpe kaji kadun shangun ai, jahten sharun ai nat, tsadan, shinglaw shinglau ai hpyen amyu myu hpe ninghkap gasat na matu mungga ntawng nhtu laknak hpe garang ya ai lam hpe ban prat langai hpang langai hkam la lu ai sakse mung rai nga ai.

2018 ning gaw Chyum Dakkasu a laklai ai shaning mung rai nga ai. Jawng hpe up hkang woi hparan sa wa na Up Hkang Komiti ningbaw nnan, Jawng Up nnan hte trustee myitsu woi hparan sa wa na Up Hkang Komiti ningbaw nnan, Jawng Up nnan hte trustee myitsu kanu kawa nnan ni hpe bai shatsam la lu ai shaning rai nga ai. Asak(86) ning du wa sai hte maren Chyum Dakkasu matut nna rawt jat galu kaba wa na matu Karai Kasang kaw na myit shingran ningnan, atsam ningnan, ningmu ningnan ni bai hkam la lu na matu myit masain shajin nga ra ai aten mung rai nga ai.


Du wa na 2032 ning hta Chyum Dakasu gaw (100) ning ngu ai Jaw Masat nhtoi shaning ladu hkrum nna Karai Kasang a chyeju hpe alak mi bai hkam la na aten rai nga ai. Latsa ning ladu hkrum na matu(14) ning sha ra sai hte maren ya ten kaw nna Chyum Dakkasu a Jaw Masat shingran hpe jawm myit mang let shawng de lahkam sa wa na aten mung rai nga ai.

Dai ni na ahkying aten hta kachin myu sha ni hpyen majan tsinyam kata hta yakhkak dut dang ai lam ni amyu myu hkrum hkra nga ai raitim Karai Kasang gaw anhte hte rau rai nga let anhte a shawng lam hpe lajang da na hpe Chym Dakkasu a labau hpe nhtang sumru yu nna chye na kam sham lu nga ai. Dai majaw yakhkak dut dang ai lam ni hta myit n htum taw ai sha Karai Kasang hpe manoi manat kam sham let shawng de shanang sa wa ga.

 

 

Zinghang Lat Nawng

Jawng Up

 
своими руками